Lejia C. Sangi: Kristian tih awmzia chu Lal Isua Krista
hnungzuitute tihna a ni a, a hnung zui tih chu, Lal Isua hringmi a
chanlaia awmdan leh a tih dan zir ni mai lovin, khawngaihna avanga a
thilthawn pek chhandamna ringtute tih na a ni. Khawvela milar hmingthang
tak tak sualbawia tlu, misual tawpkhawkte hi chandamna changin an lo
pianthar hian, keini ho hi chuan sualah a tlu leh tho ang; chhandamna a
chang tak tak lovang emaw, Pastor/ Evangelish te nupa inthen, nupui dang
nei leh te emaw chhandam a ni lovang, a piangthar tak tak lovang tiin
zawhna kan inzawt fo. Nang Kristian inti kha, nangmah leh nangmah
chhandamna famkim changin, chatuan chawlhna nuamah I tan hmun a awm tawh
tih I chiang em?
Kristian ni siin chhandamnaa chiang lo mi chu, Juda Isakariota ang maiin, Isua hnung zuia a mah ring chuang si lo ang hi an ni a. ‘Lalpa Lalpa mi ti na zawng chu vanramah an lut lo vang a; ka pa vana mi duh zawng titu erawh chu an lut ang.’(Mat 7:21). Isuan min chhandamna hi kan rin chuan, chatuan nuna kan nei dawn a lo ni reng zawk. I Johana 5:13 ‘Chatuana nuna in nei tih in in hriat theih nan nangni Pathian fapa hming ringtute hnenah heng thu hi ka ziak a ni’.
Rinna hian chhandamna a ti famkima, chatuanna nunna nen. Chu chandamna chu, Pathian khawngaihna vanga Isuan kan tana kalvary-a a thihna kha a ni. Chu thilthawnpek chhandamna chang tur chuan, thil tha tiha tan lo lak ve lam a ni lo va, Pathianin kan tana min pek Chhandamna rin mai hi a lo ni. Lal Isuan kross-a a sawi ‘ A kin ta’ a tih kha a thiltih a hlen tawh tih nimai lovin, kan sual bat zawng zawngte rulh a nih tawh thu a sawina a ni. Chu thihna chuan, Pa Pathian hnena kan sual ba te min rulh sak vek tawh a ni.
“A thisen avangin amahah chuan kan tlanna kan nei a ni; a khawngaihna ngah zia ang zela kan bawhchhiatnate ngaihdamna chu,” (Ephesi 1:7). Mi thenkhat chuan, he khawngaihna vanga Chhandamna hi thil tha tih avanga hlawh chhuah turah kan ngai thin. Ephesi 2: 8-9 ah Paulan, “Rinna avanga khawngaihnaa chhandam in ni: Nangmahni thawh chhuah a ni lo va, Pathian thil thlawn pek a ni; thiltih avang a ni lo ve, chutilochuan miin an chhuang dah ang e.” a ti. Chhandamna kawngah na na na chuan, rinna hi a thupui ber a ni a; Johana lehkhathawna rinna leh thil tih in kawp ngei ngei tur a tih erawh kha chu, Kan pianthar tawh hnua ringtununa bet tlat tur a sawina a ni zawk. Lalsangzuali sailo-in naupang tana a hla phuah, “ Isua hi ringru Chhandamna a ni…” tih pawh kha, han ngai mai chuan mawl tak ni si, Bible tanchhana thu ril tak a ni ve tlat. Chuvangin, Krista Isua chhandamna hi kan tan Pathian thlithlawn pek liau liau a lo ni. A va ropui tak em! Lalpa chu fakin awm rawh se.
Kalvary thihna ah khan kan bate min rulh sak mai nilovin, kan sual te pawh ngaihdam a ni a. 1 Johana 1:7 ‘ A fapa Isua thisenin kan sual zawng zawng min thlenfai sak thin a ni”. Pathianin khawvela milian leh mite , misual leh mitha , mia leh mi fingte kan vaiin min chhandam vek a ni. A then chu sualah tluin, Pathianin tuna ka sual hi chu a ngaihdam theih ka ring tawh lo, Vanram ka kai pawh ka in ring lo an ti thin. Chhandamna hi bo leh thei a ni lo va, kan sualna vanga chhandam kan ni a, mitha tan chauh chandamna awm ni sela chuan, he khawvelah mitha pakhat chauh a awma, amah Pathian a ni si a. Ka pa hi mifel leh Kristian tha tak niin, biakinah Pathian thu a sawi laiin kei pawnah suahsual rawngbawl ta ila, ka sualna avang chuan ka pa fa nih a bo lo va, ka sual leh ka that pawhin ka pa fa ka la ni reng tho. Chhandamna famkim hmu tur chuan, sual kal sana thlitha tiha keini tan lo lak ve chiam lam a ni lo va, kan sualna leh kan bawhchhiatna zawng zawng min ngaidamtu Isua rin hi a ni. Chu chhandamna kan rin chuan, sual kan ti thei tawh lo a ni lo va, sual kan tih a rem tawh lo zawk a ni.
Nikhat chu Evangelish Alexander Wooten hnenah mipakhat hi a rawn kal a, “ Ka pu chhandam ka nih theih nan enge ka tih ve ang?” tiin a zawta, Alexander-a chuan chu pa chu chhandamna ah a chiang lo hle tih a hria a, “ E, I tlai tawh lutuk, I tihtheih a awm lo” tiin a chhang a. Chu pa chuan aw vin deuh hian “ Ni lo e, chhandam ka nih theih nan thiltha ka tih chu a ngai a lawm” a ti leh a. Alexander-a chuan, “ A tlai tawh lutuk, I pian hma deih tawh khan sual vanga thi ngei ngei tur kha, nangmah ngei Isuan krossah a thi tawh a sin, I tih tur awm chhun chu Isua I aia a thiltih chu lo rin mai hi a ni” tiin a chhang a. Chuvangin I nun pumpui chu sualnaa khatin ngai mah la, Isuan I ba zawng zawng a rulh sak che a, I sualte pawh a tlenfai sak vek tawh tih hi I rin tlat chuan, Pathian fa ah vuah I lo ni dawn a ni. A fate kan nih chuan roluahtu tur, Krista roluahpuitute kan ni dawn a ni( Rom 8:17 ). Evan. Sangliantanga’n “ Mihring ngaihah tling lo mah ila, Isua ka rinna avangin Isuan felah min puan chuan, ka tan chu chu a tawk reng tawh a ni,” tiin hlain a phuah anih kha.
Chatuannunna kan neih nan leh a faa vuah kan lo nih theih nan thuthlunghlui hun lai ang khan kan tih theih loh tur min phut tawh lo va, a khawngaihna vanga thilthlawn pek chhandamna thu dik hi rinnain Amen lo tih mai hi a ni.
Rom 10:9 I kain Isua chu Lalpa a ni tih I tana, mithi zingata Pathianin a kai tho tih I thinlunga I rin chuan, chhandamin I awm ang.
No comments:
Post a Comment